amalinks wokungena

Breaking News

IZimbabwe Iphuma Ijumo Lokudinga Imali yeUNWTO

  • Gibbs Dube

Victoria Falls
Umphathintambo wezokwethekelelwa kwelizwe eZimbabwe uMnu. Walter Mzembi ubikwa esephume ijumo lokudinga uncedo lwemali emazweni angezansi kwezwekazi le Africa yokulungiselela umhlangano omkhulu owe United Nations World Tourism Organization General Assembly.

UMzembi utshele iStudio 7 ukuthi usedinga uncedo lolu njengoba ugatsha lwezemali lusithi alungeke lwenelisa ukuthola izigidi eziyisithupha lengxenye zamadollar eMelika – $6.5 million yokuqhuba lumhlangano eVictoria Falls lase Livingstone kwele Zambia ngoNcwabakazi lonyaka.

UMzembi ubikwa esedinge inkampani ye Africa Conventions yakwele South Africa ukuthi idingele ele Zimbabwe imali le kweleSouth Africa kanye lakwele Angola.

Amankampani awe Zimbabwe ayamsola uMzembi ngokuthatha leli nyathelo esithi bekumele asebenze lamankampani elizweni anjenje Zimbabwe International Trade Fair ukuthi ilungiselele umhlangano lo.

Kodwa-ke uMzembi uthi ulelungelo lokudinga inkampani ayifunayo. Omunye walabo abamsolayo nguMnu. Zifiso Masiye owenkampani ye Rocks Consultancy.

Uthi akulunganga okwenziwa nguMzembi njengoba kulamankampani kwele Zimbabwe angenza umsebenzi ofana le Africa Conventions.
XS
SM
MD
LG