amalinks wokungena

Breaking News

Umlilo Ovuthayo Ubhidliza Izindlu Zabodokotela Labongi eMpilo Hospital


Umlilo ovutheyo ubhidlize izindlu zamadokotela eMpilo Hospital ngoLwesithathu ebusuku. (Photo Credit: Mpilo Hospital)

Umlilo ovuthayo utshise indawo okuhlala odokotela labongi eMpilo Hospotal ngoLwesithathu kusihlwa.

Obambe isikhundla somqondisi wesibhedlela lesi, uSikhwicamfundo Solwayo Ngwenya, uthe akwaziwa ukuthi umlilo lo ulumathiswe yini.

UNgwenya uthe akwaziwa njalo ukuba kungaba labantu abafele engozini le ngoba abacitsha umlilo koBulawayo bebelokhu bezama ukuwucitsha ngesikhathi ekhuluma lomsakazo weStudio 7.

UNgwenya uthe kulempahla enengi kakhulu etshiswe ngumlilo lo obuvutha okwethusayo.

Kasenelisanga ukuxoxa ngodaba lolu leBulawayo Fire Brigade ngoba abaqondisi bayo bebengaphenduli omakhalekhukhwini babo.

Kulezisebenzi ezifika phose inkulungwane ezimbili lengxenye – 2,300 ezisebenza eMpilo Hospital, elezigulane ezivela endaweni ezibalisa iBulawayo Metropolitan, Matabeleland North leSouth, iNkabazwe leMasvingo.

Isibhedlela lesi silolonga izifundi ezisemakolitshini agoqela iNational University of Science and Technology leUniversity of Zimbabwe.

Facebook Forum

XS
SM
MD
LG