amalinks wokungena

Breaking News

'Sizahlupheka Okumangalisayo Lonyaka'


FILE: Usanda kuthenga ukudla kulabo abathenga bethengisa impahla.
FILE: Usanda kuthenga ukudla kulabo abathenga bethengisa impahla.

Abanye abantu edolobheni lakoBulawayo bangene umnyaka omutsha bedanile besithi kabalathemba lokuthi umnotho uzaguquka.

Omunye wabo nguMnu. Thomas Sithole othi kabongi kulenguquko ekhanyayo elizweni elibuswa nguhulumende kaMongameli Emmerson Mnangagwa.

“Umnyaka ka2019 sikhangelele ukuba uzakubalobunzima kakhulu ngenxa yokuthi emkhathini izulu alikho, indlala ibhakile lokungatholakali kwezinto. Sibona abantu bezangena ezitaladeni uma uhulumende engalungisanga izinto.’’

Esinye njalo isakhamuzi sakoBulawayo, uNkosikazi Agnes Kayanda, uvumelane loSithole esithi umnyaka omutsha uzabanzima okudlula umnyaka ka2018.

“Umnyaka omutsha lo uzakubanzima ukudlula odlule njalo loludubo luqale kumnyaka odlule ngemva kokhetho ngoba labasithembisa khona akukenzakali kuzakubanzima noba imali yomhlobo webond ayithengi, yindlala zodwa uma uhulumende engathathanga inyathela kuzakubanzima.”

UNkosikazi Alice Shanyenzu ukhale ngokuthi bafuna odokotela ezibhedlela, amafutha ezimota, imisebenzi lemali ibekhona..

“Sikhangelele ukuba umnyaka ubemuhle sifuna odokotela ezibhedlela, amafutha ezimota imisebenzi kunye lemali ukuba ibekhona.”

Kodwa kulabanye abathi bawungene kahle umnyaka ka2019.

UNkosikazi Lydia Sibanda uchaze ukuba ungene umnyaka omutsha ngentokozo njalo konke kuye kuhle.

“Mina ngiyayibonga iNkosi, umnyaka ka2019 ngiwungene kuhle njalo kokwami konke kulungile ngingazi njalo sesisiyaphambili kwawo umnyaka.”

Osakhulayo wakoBulawayo, uKudzanai Siringwani uthi uyajabula ngoba ungene umnyaka omutsha engophilayo.

Sibi isimo somnotho eZimbabwe lapho okusilela khona imali njalo osokugugudeke isisindo sama bond notes okumangalisayo.

Udaba Esilethulelwe NguAnnastacia Ndlovu
please wait

No media source currently available

0:00 0:04:06 0:00

XS
SM
MD
LG