amalinks wokungena

Breaking News

Izifundi Ezifuna uMugabe Atshaye Phansi Zikhalala Imihloliso eUniversity of Zimbabwe


Izifundi zekolitshi leUniversity of Zimbabwe zikhalala umsebenzi.

Izifundi zasekholitshini leUniversity of Zimbabwe ngoMvulo zikhalale ukuloba imihloliso zikhonona ngokuthi uMongameli Robert Mugabe kumele atshiye umsebenzi kanye lokuthi umkakhe uNkosikazi Grace Mugabe aphendukise isicoco sePhD abathi wasiphiwa engazange afunde okweneleyo ukuthi asithole.

Ukukhalala kwalezo zifundi kulandela omkhulu umkhosi ohlatshwa ngabanengi elizweni jikelele ngesikhathi uzulu ekhokhelwa ngabakubutho abahluthune intambo zombuso kaMugabe ngoLwesithathu ngeviki ephelileyo.

UNkosazana Sinikiwe Mpofu, yena ofundela ubugqwetha, uthole ithuba lokutsh imibono yakhe langezikhalazo abalazo njengezifundi.

UNkosazana Loveness Nkiwane uthe uMugabe sokumele atshiye umsebenzi ngoba seyehlulekile ukubusa.

Lokhu kugcizelelwe nguKuzwakwesuthu Ngwenya, owake waba kwalabo ababekhokhela inhlanganiso yezifundi zase University eyeZimbabwe, othe sesifikile isikhathi sokuthi uMugabe atshiye umbuso.

Umongameli Mugabe uthathelwe intambo zombuso ngabakubutho esetheswa amacala afana lokuyekelela umkakhe edonsela ilizwe emanyaleni ngomlomo wakhe akade ephonguklabalala engacabanganga ethukana labantu abahlaniphekayo embalini yokulwela eleZimbabwe. Bekusobala ukuthi nguye obesebusa nanku phela yena uMugabe eseluphele okutshiye uzulu ethukuthele.

Phezu kwalokho uMugabe udanise uzulu weZimbabwe oselizweni laphandle kwelizwe ngeSonto lapho akade ekhangelelwe ukuthi abike emsakazweni kamabonakude weZBC-TV ukuthi usetshiya umsebenzi okuyinto angazange ayenze abantu basala bephethe owangaphansi.

Facebook Forum

XS
SM
MD
LG