amalinks wokungena

Breaking News

USA: Sizimisele Ukwesulela iZmbabwe Izijeziso Zenotho

  • Gibbs Dube

usa flag
Isigodlo sommeli weMelika eZimbabwe sithi ilizwe laso lizimisele ukwesula izijeziso zenotho ezafakelwa umongameli Robert Mugabe labanye bakhe kubandla le Zanu PF nxa bengalandela izinqumo zesivumelwano se Global Political Agreement.

Uthi ukwesulwa kwezijeziso zenotho ezafakelwa ibhanga le Agribank le Infrastructure Development Bank of Zimbabwe kuveza ukuba iMelika iyasuthiseka ngendlela eqhutshwe ngayo ukhetho lweReferendum.

Isigodlo sabammeli beMelika sithi ukwesulwa kwezijeziso lezi kutsho ukuthi amabhanga la asengasebenzelana labantu kanye lamankampani alelo lizwe kungela migoqo edalwe yizijeziso zenotho.

Siphinde sathi ele Melika lizaqhubeka lisesula izijeziso lezi nxa umumo wezombusazwe ungabu lokhe uthuthuka eZimbabwe njalo kulandelwa izinqumo zesivumelwano sokubunjwa kukahulumende womanyano eziqondiswa zinhlanganiso ezibalisa eye SADC leye African Union.

Ele Melika lamanye amazwe angempumalanga afakela uMongameli Mugabe labanye bakhe izijeziso zenotho kulandela ukungaqhutshwa kahle kokhetho ngomnyaka ka 2002 lobudlwangudlwanga obabuselizweni ngesikhathi leso.

UMnu. Nkululeko Sibanda ingcwethi kwezombusazwe uthi okwenziwa yi Melika kwethusa inhloko kahulumende uMnu. Morgan Tsvangirai lamanye amabandla ayedlelana lohulumende weMelika.
XS
SM
MD
LG