amalinks wokungena

Breaking News

Kudingwa Abantwana Abaswelayo Abazafunda eUnited States Students Achievers Program Community School


UNkosikazi Rebecca Mano, umqondisi wenhlanganiso yeEducation Matters, ukhuluma ngohlelo lweUnited States Students' Achievers Program.

Isikolo esinceda abantwana abaswelayo abafisa ukwenza izifundo eziphezulu eseUnited States Student Achivers Program (USAP) Community School eZimbabwe, sesidinga abazangena kuzifundo ezitshiyeneyo ngomnyaka ozayo.

UNkosikazi Rebecca Mano, umqondisi wenhlanganiso yeEducation Matters, uthi kumele abafisa ukungena eUSAP Community School, esiduzane leGoromonzi, basebenzise ubulembu beInternet kukhasi lesikolo lesi, bafake izicelo zabo zama applications kungakedluli umhlaka 8 kunyanga ezayo.

Kudingwa abantwana abaswelayo abalakho ukufunda eUSAP Community School. (Courtsy Photo)
Kudingwa abantwana abaswelayo abalakho ukufunda eUSAP Community School. (Courtsy Photo)

UNkosikazi Mano uthi abafisa ukukhuluma labo enkundleni yokuxhumana eyeWhatsApp ngodaba lolu, kumele basebenzise inombolo ethi 0771021511. Balakho lokuya emawofisini eMelika koBulawayo, eHarare lezinye indawo.

UNkosikazi Mano uphinde wathi abantwana abangenelisi ukuhlawula imali yezifundo bayancediswa yisikolo lesi. Isikolo seUSAP Community School, esivulwe nyakenye, sidinga abantwana abangamatshumi amane lanhlanu abangenelisi ukuhlawula imali yezifundo.

Sokulabantwana abedlula amakhulu amane lamatshumi amahlanu – 450 asebefunde phansi kohlelo lolu kusukela ngomnyaka ka1999. Inengi labo laphutsha izifundo emakolitshini kwele Melika.

UPrimrose Magutshwa, owafunda eNjube High School, osefundela ukuba ngunozindaba esikolo seUSAP Community School, uthi akumelanga abantwana besabe umnyama ongelampisi ngoba abanye babo besaba ukudinga indawo esikolo lesi.

UPrimrose uthi waqala esenza ama-sciences wacina ebona ukuthi ulakho ukuba ngunozindaba.

Uthi isikolo lesi sihlawula imali yezifundo zabantwana abehluleka ukuqhubeka ngezifundo zabo.

Ingxoxo Esiyenze loPrimrose Magutshwa
please wait

No media source currently available

0:00 0:07:14 0:00


Facebook Forum

XS
SM
MD
LG