amalinks wokungena

Breaking News

Abanye Abantu Bathi Umanyano weZapu leZanu PF Kawulethelanga Uzulu Inkululeko


UNkomo loMugabe

Kulabanye abantu eZimbabwe abathi akulancedo ukumanyana kwebandla le-PF Zapu lele Zanu PF okwenziwa mhlaka 22 Mpalakazi ngomnyaka ka1987.

Bathi akulakuthokoza eMatabeleland leNkabazwe njengoba kungakalungiswa umbhuqazwe weGukurahundi okwabulawa khona abantu abafika inkulungwana ezingamatshumi amabili – 20,000.

Bathi akumangalisi ukuthi uhulumende kaMongameli Emmerson Mnangagwa kenzanga imicimbi etshiyeneyo yokunanza usuku lolu eZimbabwe yonke jikelele.

UMnangagwa ubesemhlanganweni wenkokheli yamabandla atshiyeneyo epulazini lakhe eKwekwe lapho akhuthaze ukuthi abantu babambane ukwenzela ukuthuthukisa ilizwe leZimbabwe. Uthe ibandla le-PF Zapu lele Zanu PF amanyana esenzela ukuthi kubelokuthula lethuthuko elizweni.

Kodwa-ke abakubandla le-Zapu elaphuma kumanyano lo bathi akulalutho olwalethwa yi-Unity Accord yamabandla la ayekhokhelwa ngumuyi uJoshua Mqabuko Nkomo lowayengumongameli uRobert Mugabe.

UMnu. Patrick Ndlovu, obona ngokwethulwa kwemibiko kubandla le-Zapu elalikhokhelwa ngumuyi uDumiso Dabangwa, utshi kawulancedo umanyano webandla lezapu elalikhokhelwa nguNkomo lele Zanu PF.

Patrick Ndlovu: Aluncedi Usuku LweUnity Day eZimbabwe
please wait

No media source currently available

0:00 0:02:01 0:00

UMnu. Believe Gaule uthi abantu abangahloniphi umanyano webandla leZanu PF lele PF Zapu kabazi lutho ngempi yenkululeko.

Believe Gaule: Abangahloniphi Usuku LweUnity Day Kabahloniphi Amaqhawe Alwela Inkululeko
please wait

No media source currently available

0:00 0:02:14 0:00


Facebook Forum

XS
SM
MD
LG