amalinks wokungena

Breaking News

'UGrace Mugabe Wathola Isicoco sePhD Engabhalisanga Kahle eUniversity of Zimbabwe'


Isiphathamandla solunye uhlangothi ekolitshini leUniversity of Zimbabwe (UZ) sithi uNkosikazi Grace Ntombizodwa Mugabe wayengaziwa ukuba ufunda ekolotshini leli ngesikhathi enikwa isicoco sePhD ngomnyaka ka2014.

UDokotela Watch Ruparanganda uthi kwamangalisa abantu abanengi eUZ ukuzwa ukuthi uNkosikazi Mugabe uzathola isicoco lesi okukhanya ukuthi wasithola ngendlela engaqondanga.

Iphephandaba leHerald libika ukuthi uRuparanganda utshele umthethwandaba ukuthi kusobala ukuba uNkosikazi Mugabe kazange aqhube izifundo zakhe njengezinye izifundi ezinjengo Nkosazana Thokozani Khupe, abaziveza kudale elihlolisisa okujulileyo okulotshwa ngabenza iPhD bengakanikwa izicoco.

Uthi uSikhwicamfundo Levy Nyagura, osesuswa esikhundleni sika Vice Chancellor, wazenzela santando ngezifundo zika Nkosikazi Mugabe, okukhanya ukuba wayekhangelwa ngumngane wakhe eloba iPhD thesis.

URuparanganda uthi wezwa ngabantu bekhuluma ukuthi uNkosikazi Mugabe uzathola isicoco sePhD. Uthi bonke abantu abathola izicoco zePhD bakhangelwa nguye labanye bakhe hatshi abangane baka Nyagura.

Uthi konke lokhu kwenzelwa ukuthi kungabi lomuntu olemfundo ephansi enjengo Standard Six ongena kuzifundo zabenza amaPhDs.

Kasenelisanga ukukhuluma ngodaba lolu loNkosikazi Mugabe lamagqwetha ngoba bebengaphenduli omakhalekhukhwini babo.

Facebook Forum

XS
SM
MD
LG