amalinks wokungena

Breaking News

Ibandla Elisanda Kubunjwa Lifuna uPeter Ndlovu Alikhokhele


Ibandla leAll People's Party lithi abalandeli balo sebekhethe uPeter Ndlovu ukuba abakhokhele loba uNdlovu engakangeni kulo. (Courtesy Image: Sabastin Mubvumbi)

UPeter Ndlovu, umdlali wenguqu oloduma, kubikwa ukuba ulakho ukukhethwa ukuba akhokhele ibandla lezombusazwe elisanda kubunjwa elibizwa ngokuthi yiAll People’s Party (APP).

UMnu. Sabastian Mubvumbi, obambe okwesikhatshana isikhundla somongameli webandla leAPP, utshele umsakazo weStudio 7 ukuthi uNdlovu ukhethwe ngabalandeli bebandla leli ukuba angene esikhundleni somkhokheli webandla leli kungalungiswa okunye okuhluphayo kwezombusazwe eZimbabwe.

UMubvumbi uthi uNdlovu ulakho ukuncintisa kukhetho oluzakwenziwa ngomnyaka ka2023 engangena esikhundleni esiphezulu sebendla leap.

Uphinde wathi bakhetha uNdlovu ukuthi akhokhele ibandla leap ngenxa yokuthi seliphansi inani labantu abavotayo eNkabazwe leMatabeleland njalo uNdlovu ngumuntu othakazelelwa ngabantu bonke eZimbabwe.

UMubvumbi uthi kungalungiswa ezombusazwe, uNdlovu ulakho ukutshiya iqembu lakhe lenguqu eleMamelodi Sundowns angene kubandla leli.

Uthi wakhuluma kanenginengi ngodaba lolu loNdlovu, owaziwa kakhulu kwezenguqu hatshi ezombusazwe.

Kasenelisanga ukuxoxa ngodaba lolu loNdlovu, obengakaphenduli imibuzo esimthumele yona ngesikhathi sisiya emoyeni.

Facebook Forum

XS
SM
MD
LG