amalinks wokungena

Breaking News

Usibalikhulu weRBZ Utshiya Idale Lephalamende Lithithibele


Usibalukhulu webhanga le Reserve Bank of Zimbabwe uMnu. John Mangudya
Usibalukhulu webhanga elikhulu lelizwe ele Reserve Bank of Zimbabwe omutsha, uMnu. John Mangudya, utshiye amalunga edale lephalamende efuthelene ngenxa yokwehluleka kwakhe ukuya emhlanganweni ngoMvulo lapho akade ebizwe khona yikhomithi ebona ngezemali yelizwe.

Omunye wamalunga la uMnu. Brian Tshuma uthi uMangudya uxolisile esithi uphandle kwelizwe lapho ahlangana khona labantu abatshiyeneyo.

UTshuma uthi uMangudya waphiwa isikhathi esaneleyo sokuthi abuye emhlanganweni lo okade kumele uhlolisise okwenzakala kusimo somnotho welizwe osugugudeka ngamandla.

Amalunga edale lephalamende awabandla le Zanu PF athe kulungile okwenziwa nguMangudya njengoba exolisile ukuthi kakho elizweni okwamanje.

Kasenelisanga ukukhuluma loMangudya njengoba umakhalekhukhwini wakhe bengabambeki emoyeni.

IStudio Seven ixoxe njalo losomabhizimusi wakoBulawayo othe kumele uMangudya alungise okuhluphayo okwezomnotho kwele Zimbabwe.
XS
SM
MD
LG