amalinks wokungena

Breaking News

'Kuyayangisa Okwethulwe Nguhulumende Othi Kumele Usuku Lokuzalwa Kuka Mugabe Kubelikhefu'


Umongameli Robert Mugabe lenkokheli yebutho.
Umongameli Robert Mugabe lenkokheli yebutho.

Uhulumende wazise ngoMgqibelo ukuthi umhlaka 21 wenyanga kaNhlolanja usezakuba likhefu elizanazwa nguzulu jikelele njengendlela yokuthakazelela indima edlalwe nguMnu. Robert Mugabe embalini yeZimbabwe.

Le yinto esisolwe kakhulu nguzulu weZimbabwe othi uMugabe ngumuntu omubi ongamelanga ahlonitshwe kumbe athakazelelwe ngalindlela.

Isakhamuzi sakoBulawayo, uMnumnzana Majaha Dube, uthi okwenziwe nguhulumende yikufaka uphawu locuku lombuso kaMugabe embalini yelizwe khona abanengi befuna ukukhohlwa ngaye.

Owayelilunga levuyo leZIPRA, uMnumzana Matthew Ncube, uthi kuyamangalisa ukuthi umuntu ohlukumeze abantu kangaka sekumele ahlale ekhunjulwa ngabantu ngokubekelwa usuku lonke.

Amazwi kaNcube agcizelelwe ngosakhulayo uNkosikazi Sazini Mlambo othe kuyamangalisa ukuthi uhulumende kaMnu. Emmerson Mnangagwa wethule umbiko lo.

Isikhulumeli seZAPU, uMnu. Iphithule Maphosa, uthi le yindlela yokwenza onkulunkulu abancane emhlabeni njalo kululaza ubaba weZimbabwe uJoshua Mqabuko Nkomo ngoba laye wenza imisebenzi emikhulu kodwa akula langa elabekwayo ukuze akhunjulwe.

Ekhuluma emthimbeni wokugcotshwa kwakhe uMongameli Emmerson Mnangagwa, uthe uMugabe ungubaba welizwe okufuze atshengiswe inhlonipho.

Uhulumende Uchothozwa Ngokwenza Usuku Lokuzalwa Kuka Mugabe Kubelikhefu
please wait

No media source currently available

0:00 0:02:28 0:00

XS
SM
MD
LG