amalinks wokungena

Breaking News

Amapholisa Avimba Ukutshengisela Kwabaphila Ngokuthengisa Lanxa Evumele Okwenziwe Libandla leZanu PF


FILE: Amapholisa atshaye umuntu eHarare amtshiya ethe thasa ...August 16, 2019.

Abalwela amalungelo oluntu sebechothoze amapholisa ngokuvimba ukutshengisela kwenhlanganiso yabaphila ngokuthengisa esebenzisa umthetho wePOSA, wona ophakathi kokwesulwa.

Inhlanganiso yeVendors Initiative for Social and Economic Transformation ibilobele amapholisa iwazisa ukuthi izatshengisela namuhla phezu kochuku lwamapholisa Kanye lokufa kwelunga layo uMnu Hilton Tafadzwa Tamangani ngemva kokutshaywa yiwo amapholisa.

Kodwa amapholisa alise linhlanganiso esithi ukutshengisela kwayo kwephula umlayo wePOSA lanxa uhulumende kaMongameli Emmerson Mnangagwa ehlala eziqhenya ngokuthi sowesula lumthetho.

Uhulumende uphakathi kokuguqula lumthetho kanye loweAIPPA. Kodwa abalwela amalungelo abanengi bathi imithetho ebunjwayo lokhe icindezela.

Omunye wabo uMnu Charles Nyoni utshele iStudio 7 ukuthi kuyadanisa ukuthi abaphila ngokuthengisa laba balelwe ukutshengisela lanxa amapholisa evumele ukutshengisela kwabasekeli beZanu PF phezu kwezijeziso ngoLwesihlanu.

please wait

No media source currently available

0:00 0:03:03 0:00

Facebook Forum

XS
SM
MD
LG