WASHINGTON DC —
Inhlolisiso eyethulwe ngoMvulo yinhlanganiso yentathelizindaba iVoluntary Media Council of Zimbabwe (VMCZ), iveza ukuba intathelizindaba eZimbabwe kazisaqhubi umsebenzi ngemfanelo.
Ugwalo lwenhlolisiso le luthi ukungaqhubi kahle umsebenzi lokhu kuqalise ngomnyaka ka 2000 ibandla le Zanu PF lize lethuswe lukhetho lapho ibandla leMDC elaphosa lanqoba khona.
Luveza ukuthi indaba ezibhalwa ngamaphephandaba lemisakazo sezixukaxene okwamagama ngenxa yokuthi abasebenza bengaphansi kukahulumende babhala kubi ngabangathakazelelwa libandla le Zanu PF.
Kuthi ababhala bekumankampani azimeleyo labo batholakala ukuthi babhala kahle ngamabandla aphikisana le Zanu PF.
Luphinde lwaveza njalo ukuthi intatheli zindaba ezinengi sezikukwabitha okwamagama ukufumbathiswa nxa zibhala.
Kutholakale njalo ukuthi loba nje isimo lesi sike sabangcono kulohulumende womanyano, imbiko eminengi ekade ibhalwa zintatheli zindaba ngesikhathi sokhetho ibitshengisa ukuthi akusabukeki ukuba yintatheli zindaba elizweni njengoba inengi lazo selisekela amabandla ezombusazwe.
Ugwalo lolu lulotshwe nguMnu. Wallace Chuma ofundisa ekolitshini le Cape Town kwele South Africa emele iVoluntary Media Council of Zimbabwe.
Umnu. Zenzele Ndebele obona ngenhlelo ze Radio Dialogue uthi liqiniso okuphume kunhlolisiso le eyenziwe yi VMCZ.
Ugwalo lwenhlolisiso le luthi ukungaqhubi kahle umsebenzi lokhu kuqalise ngomnyaka ka 2000 ibandla le Zanu PF lize lethuswe lukhetho lapho ibandla leMDC elaphosa lanqoba khona.
Luveza ukuthi indaba ezibhalwa ngamaphephandaba lemisakazo sezixukaxene okwamagama ngenxa yokuthi abasebenza bengaphansi kukahulumende babhala kubi ngabangathakazelelwa libandla le Zanu PF.
Kuthi ababhala bekumankampani azimeleyo labo batholakala ukuthi babhala kahle ngamabandla aphikisana le Zanu PF.
Luphinde lwaveza njalo ukuthi intatheli zindaba ezinengi sezikukwabitha okwamagama ukufumbathiswa nxa zibhala.
Kutholakale njalo ukuthi loba nje isimo lesi sike sabangcono kulohulumende womanyano, imbiko eminengi ekade ibhalwa zintatheli zindaba ngesikhathi sokhetho ibitshengisa ukuthi akusabukeki ukuba yintatheli zindaba elizweni njengoba inengi lazo selisekela amabandla ezombusazwe.
Ugwalo lolu lulotshwe nguMnu. Wallace Chuma ofundisa ekolitshini le Cape Town kwele South Africa emele iVoluntary Media Council of Zimbabwe.
Umnu. Zenzele Ndebele obona ngenhlelo ze Radio Dialogue uthi liqiniso okuphume kunhlolisiso le eyenziwe yi VMCZ.
