amalinks wokungena

Breaking News

‘Sesimelele Ukuvotela Abantu Esibafunayo’


Omunye wabantu abavota ngomnyaka ka2013.

Izakhamizi zako Bulawayo zithi kumele uzulu ayevota kukhetho ololabantu abangamatshumi.

UNkosazana Nontobeko Mabhena ngomunye wabavotayo kukhetho lwelizwe.

“Mina sengilungele ukuvota njalo ngiyazi ukuthi kumele ngivotele ukhansila, uMP kanye loPresident. Ukuvota lilungelo lomuntu wonke njalo umuntu ongavotanga akala lungelo lokukhalaza.

Lokhu kusekelwa nguMnu. Nkosikhona Bhehane, othe abantu kumele bavote bekhululekile.

“Ukuvota kudala ngakulungela njalo ngizimisele, sekungiphuzele.”

UNkosazana Martha Nkabinde ungezelele esithi bafisa ukuthi kubelenguquko eZimbabwe kulandela ukhetho lolu.

“Lilanga elikhulu kakhulu ukuthi lisibonise ukuthi silotshintsho leqgubekela phambili eZimbabwe.”

UNkosikazi Talitha Sibanda, ohlala eSilobi, uthi laye usezimisele ukuvota kodwa ulokwesaba ngoba bayethuselwa emaphandleni.

“Mina sengizimisele ukuvota kusasa njalo ngifuna kube lenguquko.”

Umumo okhona khathesi koBulawayo ulokuthula njalo uzulu uyawuncoma esithi eminyakeni eyedluleyo imikhankaso ibivame ukubalodlakela.

Udaba Esilethulelwe NguBathabile Masuku
please wait

No media source currently available

0:00 0:02:33 0:00

Facebook Forum

XS
SM
MD
LG