amalinks wokungena

Breaking News

Amanzi Asesitsha Okwethusayo Emadamu koBulawayo


Izakhamizi zakoBulawayo sezile nsuku ezedlula ezintathu zingela manzi kubangelwa yikutshisa kanye lokusilela kwamandla kagetsi wokumpompa lawo manzi ayenela umuntu wonke.

Ngalokho ikhansili yakoBulawayo iqonqosele uzulu ukuba asebenzise amanzi ngonanzelelo ngoba amanzi asemadamu aseyehlile kakhulu kubangelwa yisigudumezo esihlasele ilizwe.

UNkosikazi Nesisa Mpofu, isikhulumeli seKhansili yakoBulawayo, uthi amanzi asemadamu asemalutshwane ngakho bacebisa uzulu ukuthi awasebenzise ngonanzelelo.

UMnu. Kelobone Khabo, isikhulumeli senhlanganiso yezakhamizi zakoBulawayo eyeBulawayo Progressive Residents Association, udaba lwamanzi selungaphezu kwamandla eKhansili ngakho kuyadingeka ukuthi kugejwe izibholane kanye lokuhlanyela amayezi.

UMnu. Moyo oyisakhamuzi sakoBulawayo uthi ngokuguquka komkhathi sekumele ukuthi uhulumende akhe amadamu njengoba idolobho likhula.

“Into esihlupha kakhulu yikuthi sesibonile ukuthi umkhathi uyaguquka but ebesikulindele ukukubona yikuthi uhulumende kumele abone ukuthi laye sekufanele laye aguquke.Esikwaziyo yikuthi idamu lacina ukwakhiwa kudala kodwa idolobho liyakhula liyafuna amadamu amatsha, kodwa umlandu wokwakha amadamu ayisiwo kakhansili kodwa ngoka hulumende .Okunye okusihluphayo yikuthi indawo ezinjenge zibhedlela, amankantolo lezikoloezingalayo imigodi so nxa kungela manzi kuyahlupha kakhulu, kuhlupheka abantu kanye lezifuyo .”

Omunye wezakhamuzi zakoBulawayo, uNkosikazi Sihle Ndlovu, uthi amanzi ayimpilo ngakho uhulumende kuyadingeka ukuthi angenele ngoba sebethwele nzima.

Facebook Forum

XS
SM
MD
LG