amalinks wokungena

Breaking News

Bathwele Nzima Ngokuswelakala Kwamanzi koBulawayo


Amanzi kawasatholakali koBulawayo ...

Abantu abanengi koBulawayo bakhonona ngokungcola langokuswelakala kwamanzi osokubangele ukubhubha kwabanye babo.

Abahlala emalokitshini agoqela eleLuveve, Makhandeni lamanye bathi angcolile amanzi abawasebenzisa kulenzinsuku.

Kulabanye njalo abathi bathwele nzima ngokumelela amanzi zonke insuku abawathola ebusuku.

UNkosazana Kwanele Ncube, ohlala eCowdray Park, uthi amanzi kawatholakali elokitshini leli.

UMaNcube uthi amasela asebathwalise nzima ngenxa yokuswelakala kwamanzi.

Siyakhala njalo esinye isakhamuzi seCowdray Park, uNkosikazi Nomathemba Ndebele.

Banengi abakusimo lesi abathi kumele ikhansili ilungise udaba lolu. Iziphathamandla zedolobho leli zithi zithwele nzima ngokukha amanzi emadamu angaselamanzi.

Omunye wamakhansila edolobho leli, uMnu. Mlandu Ncube, uthi uyazizwela izakhamizi zakoBulawayo ngokwenzakalayo.

UNcube uthi kungamanga okwethulwa ngabanye abantu ebulenjini bokuxhumana abathi uzulu usesebenzisa amanzi akhiwa edamu leKhami elilencekeza.

Kubikwa ukuthi kulabantu ababili abasanda kubhubha abanatha amanzi angahlambulukanga eLuveve.

Bakhala Ngokuswelakala Kwamanzi koBulawayo
please wait

No media source currently available

0:00 0:03:31 0:00


Facebook Forum

XS
SM
MD
LG