amalinks wokungena

Breaking News

EleZimbabwe Limanyana Lamanye Amazwe Ekunanzeni iWorld AIDS Day


EleZimbabwe limanyene lamanye amazwe womhlaba ekunanzeni usuku lokuqakathekisa umsebenzi wokuvimba ukuthelelanwa kwengculaza eleWorld AIDS Day.

Lonyaka umhlaba ufikise iminyaka engamatshumi amane kwaqhamuka umkhuhlane wegculaza njalo inengi liqhubeka lihlaselwa yiwo.

Ekhuluma leNtathelizindaba koBulawayo, uDokotela Nkazimulo Tshuma, umqondisi weMpilo Centre for Excellency Hospital, uthi sebasungula indlela yokukhulumisana enkundleni eye Whatsapp.

UTshuma uqhubeke ethi ngenxa yobhubhane lweCovid-19 sebeguqule indlela ababela ngayo abaphila lengculaza amaphilisi.

Ilunga ledale lephalamende ePumula koBulawayo uNkosikazi Sichelesile Mahlangu uthi bakhangelele ukuba kusiyafika umnyaka ka2030 ingculaza ibe isiyehlile ezweni.

Olwela amalungelo oluntu uNkosikazi Patricia Tshabalala uthi lilanga eliqkathekileyo kodwa abasakhulayo inengi labo sebehlaselwa yingculaza.

Okwamanje abantu abadlula amakhulu amathathu abahlala phandle kwelizwe kodwa bethatha amaphilisi abo eMpilo Centre of Excellency Hospital sebengamalunga eWhatsapp Group yalesisibhedlela.

Inhlolisiso eyenziwa ngabe National Aids Council iveza ukuba inani labantu ababanjwa yingculaza e Zimbabwe lehlile ngesilinganiso sokwedlula itshumi lambili ekhulwini-12.8% eminyakeni eyisithupha edluleyo nxa liqathaniswa lesilinganiso sokwedlula itshumi lantathu-13.8% ngomnyaka ka2015, lapho abacine ukwenza uphenyo ngaleli nani elizweni.

Facebook Forum

XS
SM
MD
LG