amalinks wokungena

Breaking News

Kuhlolisiswa Umnotho we Africa eWorld Economic Forum

  • Gibbs Dube

Gold mining
Abantu abanengi abagoqela inhloko zamazwe atshiyeneyo, abaphathintambo bakahulumende, ingcwethi kwezenotho lezokuthuthukisa umnotho kazulu, izikhwicamfundo kanye labalimi bathe gwaqa eCape Town kwele South Africa emhlanganweni omkhulu walonyaka we World Economic Forum for Africa.

Umhlangano lo olesihloko esithi “Delivering on Africa’s Promise” uhlafuna okutshiyeneyo okugoqela ukuthuthukisa umnotho wezwekazi le Africa ngokuphandela abalimi labosomabhizimusi imali emabhanga njalo lokulungisa imikambo yokuthengisa impahla.

Umhlangano lo uzakhangela njalo imizamo yokukhuthaza abaleziphiwo ezitshiyeneyo ukuthi bazisebenzisa ngendlela ekhaliphileyo ukwenzela ukuzithuthukisa njalo lokuthuthukisa umnotho we Africa.

Umbiko owethulwe emhlanganweni lo utshengisa ukuthi izwekazi le Africa kalenzi kahle nxa kukhangelwa indlela elenza ngayo impahla yokuthengisela amanye amazwe.

Unkosikazi Nkosazana Dlamini Zuma obona ngezokudlelana lamanye amazwe kwele South Africa utshele umphakathi ukuthi izwekazi le Africa likhangelelwe ukuthi lizathuthuka okwamagama phakathi kweminyaka engamatshumi amahlanu alandelayo.

Kusenjalo, uMnu. Arthur Mutambara umsekeli wenhloko kahulumende kwele Zimbabwe utshele iStudio 7 ukuthi izwekazi le Africa lilakho ukuthuthuka nxa inkokheli yamazwe atshiyeneyo ingabambana ilungise ezombusazwe kanye lemithetho ekhangelane lezamabhizimusi.

Umnu. Bekithemba Mhlanga ingcwethi kwezenotho uthi umhlangano lo ukhangelelwe ukuthi uzaphuma lezinqumo ezizancedisa ukuthuthukisa umnotho wezwekazi le Africa.
please wait

No media source currently available

0:00 0:02:12 0:00
Lapho esitholakala khona

Umhlangano lo uphela kusasa.
XS
SM
MD
LG