amalinks wokungena

Breaking News

Kunanzwa Usuku LweWorld Labor Day Abanye Bekhonona Ngeholo Eliphansi


World Labor Day

Izisebenzi zeZimbabwe zimanyene lezinye emhlabeni wonke jikelele ngoLwesithathu ekunanzeni usuku lwazo oluqakathekileyo olweWorld Labor Day.

World Labor Day 2019
World Labor Day 2019

Usuku lolu lwenziwe ngaphansi kwesihloko esithi ‘We are at a crossroads! Unite, Fight Neoliberalism and Austerity”.

Izisebenzi eHarare zithe gwaqa enkundleni yeDzivaressekwa Stadium lapho obekulenkokheli yamabandla aphikisayo egoqela uMnu. Nelson Chamisa owebandla leMovement for Democratic Change.

Bekungelamuntu omele ibandla elibusayo eleZanu PF.

Ekhuluma emhlanganweni lo, umphathintambo wohlangothi lukahulumende olubona ngezisebenzi uDr. Sekesai Nzenza, uthe uhulumende kaMongameli Emmerson Mnangagwa ufisa ukuthi izisebenzi ziphathwe kahle.

UMnu. Nelson Chamisa ukhuluma emhlanganweni wezisebenzi.
UMnu. Nelson Chamisa ukhuluma emhlanganweni wezisebenzi.

UDr. Nzenza ubemelwe nguMnu. Langton Ngorima.

Kodwa unobhala jikelele weZCTU, uMnu. Japhet Moyo, obegqoke impahla efana legqokwa yizibotshwa njengesibonelo sokuba usentolongweni lanxa engelalo icala, uthe kuyajabulisa ukuba uhulumende laye esekubona akade bekukhuluma ngakho sonke lesi sikhathi ngesikhathi esibi somnotho welizwe.

Udaba Esilethulelwe NguMavis Gama
please wait

No media source currently available

0:00 0:05:07 0:00

Bekulomhlangano ofanayo koBulawayo lapho izisebenzi ezithe zithwele nzima eZimbabwe ngenxa yeholo eliphansi, ukungatholi imisebenzi lokunye okumbalwa.

Izisebenzi zinanza usuku lweWorld Labor Day koBulawayo.
Izisebenzi zinanza usuku lweWorld Labor Day koBulawayo.

Obemele abesifazana kunhlanganiso yeZCTU, uNkosikazi Grace Mathe, uthe bacela uhulumende angenele ekwelwatshweni komkhuhlane wemvukuzane kungela nhlawulo.

“Ilanga lethu lezisebenzi libelihle siyabonga inkulumo yeZCTU yokuba uhulumende abelohlelo lokuba abantu belatshwe mahala umkhuhlane wemvukuzane. Sicela njalo ukuba uhulumende aqale ukusiholisa iidola leMelika ngoba ibond leRTGS akuselamandla sokukhuphuka malanga wonke akusahambelani leholo lethu.”

UNkosikazi Debra Mukasa, othengisa impahla etshiyeneyo eZimbabwe, uthe kunzima ukusebenza emigwaqweni ngesikhathi abantu bethwele nzima ngokuswela ukudla.

Udaba Esilethulelwe NguAnnastacia Ndlovu
please wait

No media source currently available

0:00 0:07:59 0:00

Facebook Forum

XS
SM
MD
LG