Kuhlelo Woza Friday liviki sileqembu lomculo elabunjwa ngabasakhulayo abazibiza ngokuthi ‘Ezikabonke’ abadabuka eTsholotsho abahlabela umdumo oweRhumba loba iTshibilika.
ITshibilika ngumdumo osuculwa ngabahlabeleli abanengi ikakhulu esigabeni sePlumtree leTsholotsho.
“Igama Lami ngi nguBlessing Luphahla ozalwa endaweni yako Bonke endaweni okuthwa kukoSiphepha. Ngiculela iqembu okuthiwa ‘Ezabobonke Parental Bliss’ elile album elesihloko esithi ‘Baxolisa’ featuring uThandi udadewethu. Idlalade leli lethulwe nyakenye. Lapha sicula loMxolisi owaziwa ngokuthi nguMr. Bones.”
Iqembu leli alilasikhathi eside labunjwa. “Iqembu lisungulwe ngo2016 kodwa ngobunzima kwezinye izinto ebesihlangana nazo, lazo lazoyenelisa ukurekhoda ngo2018 ngoJune. Yikho lapho idlalade eliphume khona. Ama shows lokunye sikwenzela eJohannesburg endaweni ezitshiyeneyo.”
Uthi badinga abantu abangabancedisa ukuba bathengise amadlalade abo.
“Abantu abafuna ukusincedisa bengasincedisa kakhulu mpela siyabadinga kakhulu abantu abangasincedisa ngoba kunzima la emculweni … Okunye ingoma zethu zitholakala khonalapha kithi.”
Batholakala ngaphi abafuna ukutshiliba labo? “Abangabe befunukusithola sitholakala eJohannesburg endaweni okuthiwa yiCosmo City.”