amalinks wokungena

Breaking News

Abatsha Batshengisele eHarare Bekhonona Ngokuncipha Kwamathuba Emisebenzi Lokuzisebenzela


Okwehlela ababetshengisela ngomnyaka ophelileyo emigwaqweni eHarare.
Okwehlela ababetshengisela ngomnyaka ophelileyo emigwaqweni eHarare.

Amalunga enhlanganiso emele abatsha eyeNational Associations of Youth Organizations (NAYO) ngoLwesibili atshengisele emagcekeni eAfrica Unity Square eHarare ekhonona ngokungatholi amathuba okuphatheka ekubumbeni imithetho lokusebenza ekhululekile eZimbabwe.

Athi akhathele ngokuncipha kwenkundla yokusebenzela inhlanganiso ezimele amalungelo oluntu ngoba uhulumende uqhubeka encindezela inhlanganiso lezi.

Umqondisi weNAYO, uMisheck Gondo, utshele abatshengisele kuleyo ndawo ukuthi kumele uhulumende anikeze abatsha amalungelo afana lokusebenza kanye lokukhuluma bekhululekile.

Uthe bahambise incwadi edale lephalamende. “Incwadi zethu zifikile ePhalamende. Sihambise incwadi ezimbili, eyakuqala ikhomba ukuncindezelwa kwenhlanganiso zamalungelo oluntu elizwe kuthi eyesibili ingeyokuthi intsha layo iphiwe amathuba kuzikhundla zamawofisini aphezulu, zonke lezincwadi ziqakathekile kuntsha yelizwe.”

Isakhamuzi seHarare, uMnu. Themba Moyo, uthe uhulumende kuzamele athathe amanyathelo ngoba isimo singaqhubeka sinje kuzaba lomonakalo omkhulu kwelakusasa.

UMnu. Jabulani Nkiwane laye ohlala eHarare uthi yena usole isenzo samapholisa sokuzama ukuvimba ukutshengisela kwabatsha laba.

“Kulusizi ukuthi lapha eZimbabwe abantu basamele bahambe emthethwandaba kumbe emapholiseni kuqala ukuthi benelise ukuthi babuthane kodwa thina njengebantu abalesisekelo sombuso sibona angani isisekelo sombuso sisegcekeni ukuthi abantu kumele benze njani endaweni ezinje.”

Imizamo yokubamba umphathintambo obona ngokwenzakala elizweni uMnu Cain Mathema yehlule kodwa ekhuluma ngabantu abatshengiselayo izolo uMathema uthe uhulumende uzakwamukela izikhalazo zabo nxa bekwenza ngokusemthethweni.

Udaba Esilethulelwe NguGibson Bhebhe
please wait

No media source currently available

0:00 0:03:36 0:00

XS
SM
MD
LG