amalinks wokungena

Breaking News

Ibandla leANC Lithi Kalethuswa Yikuthukwa Kwabanye Babo Ngabalandeli beZanu PF


FILE: Omunye wabantu abakhahlanyezwa ngamapholisa uzulu etshengisela emigwaqweni.
FILE: Omunye wabantu abakhahlanyezwa ngamapholisa uzulu etshengisela emigwaqweni.

Kuyaxokozela kwele Zimbabwe ngesikhathi abakubandla leAfrican National Congress lakwele South Africa besithi kabethuswa ngokwethulwa ngezinye iziphathamandla zikahulumende kaMongameli Emmerson Mnangagwa ezithi kumele kungangeneli bantu kwezombangazwe kulelolizwe.

UNkosazana Lindiwe Zulu, umgcinisihlalo wohlangothi olubona ngokudlelana lamanye amazwe kubandla leANC, ngomunye wabathi kabethuswa ngokwethulwe nguMnu. Patrick Chinamasa, othi abantu abanjengaye kumele bathule zwi ngokwenzakala kwele Zimbabwe. UNkosazana Zulu uthi bazahlolisisa okwenzakala eZimbabwe bembambisana lebandla leZanu PF lamanye kuzwekazi leAfrica.

Kodwa uNkosazana Cynthia Dube, okubandla leMthwakazi Republic Party, uthi akulalutho oluzakwenziwa libandla leANC okuzaguqula ezombangazwe kulelolizwe. Uthi sokwanele okwenziwa nguhulumende kaMnangagwa.

Lokhu kusekelwa nguNkosazana Nokuthula Adonsi, olandela ezombangwazwe, othi akulalutho oluzaguquka kwele Zimbabwe kulandela ukuthunywa kuka Nkosikazi Baleka Mbete loMnu. Sdney Mufamadi nguMongameli Cyril Ramaphosa.

UMnu. Wellington Moyo, okubandla leZanu PF, uthi ibandla leANC lenza kahle ngakho-ke abantu kumele bengakhali kakhulu.

Uhulumende wakwele South Africa wake wangenela kwele Zimbabwe ebambisana leSouthern African Development Community ngomnyaka ka2008 kwasekubunjwa uhulumende womanyano phakathi kwebandla leZanu PF lamacele eMDC amabili.

XS
SM
MD
LG