amalinks wokungena

Uzulu Usethe Gwaqa Emhlanganweni Omkhulu weZanu PF eMasvingo

  • Gibbs Dube

Indawo lapho okuzakwenzelwa khona umhlangano weZanu PF Annual People's Conference.

UMongameli Robert Mugabe ukhangelelwe ukuthi uzavula okusemthethweni kusasa umhlangano okhulu webandla lakhe oweAnnual People’s Conference owenzelwa edolobheni leMasvingo.

Amalunga ebandla leli edlula inkulungwane eziyisithupha lamakhulu ayisitshiyagalolunye – 6,900 abikwa esefikile edolobheni lelo.

Kukhangelelwe ukuthi kuzakhulunywa ngesimo esibi somnotho lokunye okutshiyeneyo.

Ukuze sizwe okunengi ngaloludaba, iStudio 7 ixoxe loMnu. Effort Nkomo, okubandla leZanu PF, ongahambanga emhlanganweni lo.

UNkomo uthe njengoba abantu bebanengi abazangena umhlangano lo, kukhangelelwe ukuthi bazakhuluma okunengi ngesimo somnotho welizwe esibi okumangalisayo, ukusetshenziswa kwemali yohlobo lwama bond notes lokunye okutshiyeneyo.

“Njengoba kulabantu abanengi kangaka, sikhangele ukuthi bazaphuma lezinqumo ezithize ezizakwenza ukuthi ilizwe leZimbabwe liqhubekele phambili ngemfanelo.”

UMongameli Mugabe uthi kulabanye abakubandla lakhe asebelwela izikhundla kulokuthi bakhangelane lokuhlupha uzulu.

XS
SM
MD
LG