amalinks wokungena

Breaking News

‘Ilizwe leZimbabwe Selibuswa Libutho’


URetired General Constatino Chiwenga ukhuluma loChief Justice Luke Malaba eState House ngoLwesine.

Abamabandla ezombusazwe lenhlanganiso ezizimeleyo bathi ukugcotshwa kwabasekeli bakaMongameli uRetired General Constantino Chiwenga loMnu. Kembo Mohadi kuveza obala okuthi eleZimbabwe selibuswa libutho ngoba inkokheli yebutho siphiwe izikhundla eziphezulu kuhulumende.

Abamabandla ezombusazwe athi aselokwesaba ngoba uhulumende weZanu PF elakho ukusebenzisa ibutho ikakhulu ngesikhathi sokhetho ukwethusela abasekeli bamabandla aphikisayo.

Ussekeli wenkokheli yabatsha kubandla le People's Democratic Party, uMnu. Wellington Nare, uthi ukuqhatshwa kwenkokheli yebutho kuhulumende kuyethusa.

UMnu. Ndaniso Mpande, owebandla le MDC ekhokhelwa nguSikhwicamfundo uWelshman Ncube, laye uvumelane lo Nare esithi uGeneral Chiwenga uphiwe lesisikhundla njengendlela yokwethusela uzulu.

Inhlanganiso yabesifazana eye Women Development Association in Zimbabwe ekhokhelwa nguNkosazana Julieth Nkiwane ithi idane kakhulu ngoba akula abesifazana abafakwe esikhundleni eziphezulu.

Isakhamuzi seGwanda, uMnu. Msizi Gumbo, uthi uzulu kumele avote ngobunengi ukuze lumbuso osukhona ukhitshwe kungene umbuso ofunwa ngabantu.

Abanye bathi uMongameli Emmerson Mnangagwa bekungela ngeyinye indlela ebengabonga ngayo uRetired General Chiwenga ngaphandle kokumupha lesisikhundla ngemva kokuba ekhokhele ibutho elasusa owayengumongameli uRobert Mugabe obekade engasafunwa lilizwe lonke okugoqela labebandla lakhe leZanu PF.

Udaba Esilethulelwe NguVusisizwe Mkhwananzi
please wait

No media source currently available

0:00 0:03:05 0:00

Facebook Forum

XS
SM
MD
LG