amalinks wokungena

Breaking News

UNkosikazi Mujuru Uthi Kafuni Ukugenqula Umongameli Mugabe


FILE: UNkosikazi Mujuru uthi usekhulume lamagqwetha akhe ukuthi acubungule konke lokhu okukhulunywa ngabanye abasekeli bebandla leli abacatshangelwa ukuthi basekela uMnu. Emmerson Mnangagwa.

Umsekeli kamgongameli welizwe leZimbabwe uNkosikazi Joice Mujuru uthi ngamanga aluhlaza tshoko lokho okukhulunywa ngabanye abalandeli bebandla le Zanu PF abathi akaqhubi kuhle umsebenzi, ulisela njalo lokuthi uzama ukukhipha uMongameli Robert Mugabe esikhundleni.

UNkosikazi Mujuru wethule umbiko ojulileyo izolo ntambama esithi konke lokhu akusoze kumenze ayekele umsebenzi wakhe.

Uthi kuyayangisa ukuthi kulabantu abasebenzisa amaphephandaba asekelwa nguhulumende ukuthi bamqambele amanga ngesikhathi kulungiselwa umhlangano omkhulu wokukhetha inkokheli yeZanu PF owe Congress ozakwenziwa ngoLwezi.

Uthi uzasebenza gadalala ebambisane loMongameli Mugabe ekuqhubeni inhlelo ezinceda uzulu.

UNkosikazi Mujuru uthi usekhulume lamagqwetha akhe ukuthi acubungule konke lokhu okukhulunywa ngabanye abasekeli bebandla leli abacatshangelwa ukuthi basekela uMnu. Emmerson Mnangagwa okuthiwa ufuna isikhundla sikamsekeli kamongameli kukhetho lweCongress.

Uphinde wathi uzimisele ukuzivikela kukho konke lokhu phambi kwenkokheli yebandla leZanu PF lemadale emthethwandaba.

UNkosikazi Mujuru uthi okwamanje uzaqhubeka esebenzela uzulu weZimbabwe.

Omunye wenkokheli yebandla leZanu PF okudale leCentral Committee, uMnu. David Ndlovu, utshele uGibbs Dube weStudio 7 ukuthi uNkosikazi Mujuru ulelungelo lokuzivikela kubandla leli lemthethwandaba.

Sixoxe njalo loMnu. Nkululeko Sibanda ingcwethi kwezombusazwe osekolitshini leHuddersfield eBhilithane.

XS
SM
MD
LG