amalinks wokungena

Breaking News

Zanu PF: Ibandla leMDC Kalifuni Ukukhulumisana Lohulumende Ngokwenzakala eZimbabwe


UMnu. Nelson Chamisa kuthiwa kafuni ukukhuluma loMnangagwa.
UMnu. Nelson Chamisa kuthiwa kafuni ukukhuluma loMnangagwa.

Ibandla leZanu PF lithi inkhokheli yebandla leMovement for Democratic Change (MDC) elikhokhelwa nguMnu. Nelson Chamisa kalifuni ukukhulumisana lelibusayo ngokulungisa ezombusazwe kanye lezomnotho obhidlikayo.

Ibandla leli lithi uMongameli Emmerson Mnangagwa uzimisele ukuthi kubelenkulumo zokulungisa konke okuhluphayo elizweni kodwa uChamisa labantu bakhe badonsela muva.

UMnangagwa loChamisa sebebikele uzulu ukuthi abafisi ukuthi kubelohulumende womanyano lobanje owakewabakhona ngomnyaka ka2009 waguqula umnotho owawusubhidlike okumangalisayo.

UMnu. Believe Gaule okudale leCentral Committee kubandla leZanu PF, uthi ukukhulumisana lebandla leMDC kuzaphumelela nxa ibandla leli lingavuma ukuthi uMnangagwa nguye umongameli welizwe.

Kodwa uNkosazana Thabitha Khumalo, umgcinisihlalo weMDC, uyakuphika lokhu esithi ibandla leZanu PF selabusa kakhulu osokwenza ukuthi lesabe amacebo eliwanikwa ngamanye amabandla kumbe ngabantu.

Ibandla leMDC lithi abalandeli balo bazatshengisela emigwaqweni kusikhatshana esilandelayo bekhonona “ngokwebiwa kokhetho” lonyaka libandla leZanu PF.

Ibandla leZanu PF lithi uMnangagwa wanqoba uChamisa kukhetho lukamongameli olwenziwa ngoNtulikazi lobanje impumela yalo yacina ihanjiswa emthethwandaba yiMDC.

XS
SM
MD
LG