amalinks wokungena

Breaking News

Abantu Abanengi Bathi Besaba Ibutho leZimbabwe


Ibutho lahluthunela uMugabe intambo zombuso.

Abantu kwele Zimbabwe bathi bayalesaba okumangalisayo ibutho kulandela ukubulawa kwabanye babop nyakenye njalo ngokwenzakala ngesikhathi sombhuqazwe weGukurahundi kusukela ngomnyaka ka1983 kwaze kwayafika umnyaka ka1997.

Abanengi bathi bethuswe kakhulu ngokwehlela owayengumongameli, uMnu. Robert Mugabe, owahluthunelwa intambo zombuso libutho lincedisana ledale lephalamende, ibandla leZanu PF lozulu.

Bethule ukukhathazeka lokhu ngesikhathi kunanzwa usuku lwebutho olweDefence Forces Day. Abantu abanengi bakhangelelwe ukuthi bazakuthi gwaqa eNational Sports Stadium ngoLwesibili lapho ibutho elizabe liveza ubuciko labo. Kukhangelelwe ukuthi kuzakwenziwa okufanayo endaweni ezinengi elizweni

UMongameli Emmerson Mnangagwa, owangena esikhundleni ngomnyaka ka2017 encediswa libutho wavotelwa ngabanye abantu nyakenye kukhetho lukamongameli, ukhangelelwe ukuthi uzakwethula umbiko oqakathekileyo ngebutho.

UMnu. Prince Dubeko Sibanda, okubandla leMDC elikhokhelwa nguMnu. Nelson Chamisa, obekhuluma ezimele njengomuntu othakazelela ezombusazwe, uthi banengi okumangalisayo abantu abesaba ibutho eZimbabwe.

Ingxoxo Esiyenze LoMnu. Prince Dubeko Sibanda
please wait

No media source currently available

0:00 0:03:27 0:00

Kodwa-ke uMnu. Dingumuzi Phuthi, okudale lephalamende njalo olilunga lebandla leZanu PF, uthi akumelanga abantu besabe ibutho.

Ingxoxo Esiyenze LoMnu. Dingumuzi Phuthi
please wait

No media source currently available

0:00 0:03:41 0:00

Facebook Forum

XS
SM
MD
LG