amalinks wokungena

Breaking News

Ibandla leMDC-T Lithi Kuyethusa Okwenziwa yiZEC


Amabandla aphikisayo athi iZEC yenza santando lapho okubhaliswa khona abantu kugwalo lokuvota.
Amabandla aphikisayo athi iZEC yenza santando lapho okubhaliswa khona abantu kugwalo lokuvota.

Uhlelo lokubhalisa uzulu kusetshenziswa imitshina yakulezI Insuku eye Biometric Voter Registration (BVR), kaluqhutshwanga ngesiphangiphandi njengalokho obekukhangelelwe yikhomishini yeZimbawbe Electoral Commission edolobheni leHarare.

Uzulu labamabandla aphikisayo kunengi abakusolayo okugoqela ukungaqhutshwa kahle yiZEC.

Uhlelo lokubhalisa amagama kugwalo lokuvota luqhubekela phambili eZimbabwe.
Uhlelo lokubhalisa amagama kugwalo lokuvota luqhubekela phambili eZimbabwe.

Abelinye lamabandla aphikisayo, ele MDC-T bathi lokhu yisibonelo sabahlezi bekutsho ukuba iZEC kayizinikelanga ukulungiselela ukhetho ngokwaneleyo.

Emhlanganweni lentathelizindaba emawofini esigodlo salelibandla leMDC-T, isikhulumeli salo uMnu. Obert Chaurura Gutu, uveze ukuba kunengi okuphosiswayo ekuqhubeni lumsebenzi.

Ophethe ezokuqhutshwa kwenhlelo ehlangothini lwabasakhulayo kubandla leli, uDesmond Ncube, kubi kakhulu okwenziwa yiZEC.

UNcube uthe obunye bobufakazi osebebutholile ngokungaqhutshwa ngendlela kwaloluhlelo bubalisa obusemaphetshaneni anikezwa umuntu ngemva kokubhalisa okulotshwe indawo ezehluke kulalezo abavotela kizo kukhetho olwedlule.

Lanxa kungalesi simo, abe MDC-T bakhuthaza uzulu ukuba aphume ngobunengi ukuyabhalisa, abekezele lalapho zidonsa inyawo iziphathamandla zeZEC baze balithole lelothuba lokubhalisa amagama kugwalo lokuvota.

Udaba Esilethulele NguMavis Gama
please wait

No media source currently available

0:00 0:03:14 0:00

XS
SM
MD
LG