amalinks wokungena

Breaking News

ZESA: Sesiphungula Umlilo Kagetsi


Inkampani ebona ngokuphehlwa komlilo kagetsi eyeZimbabwe Electricity Supply Authority (ZESA) ithi amandla kagetsi asezaqala ukusilela ngenxa yokwentsha kwamanzi edamu leKariba.

Izakhamizi zakoBulawayo zikhala ngokuthi nga iZESA iyakhipha umbiko ngaphambili ukuthi izacitsha ugetsi ngaziphi insuku ukuze zenelise ukuzilungiselela.

Usomabhizimusi, uMnu. Lucky Ngwenya, uthi ibhizimusi ayisaqhubi ngemfanelo ngenxa yokusilela komlilo kagetsi.

“Mina ngilesigayo elokitshini ukuhamba kwamagesti angisakuzwisisi ukuthi ngokwani, ukuthi iZesa sicabangani vele. Nxa amagetsi setshona engasekho, avuke engekho pho thina siyasebenza sikhathi bani ngoba khathesi akusela msebenzi. Sicela uhulumende akulungise lokhu.”

UNkosazana Alice Ncube, osakhulayo oziqhatshileyo ngokuthunga impahla ohlala edolobheni leli, uthi selahlekelwa ngabathengi.

“Mina ngiyathunga impahla khathesi izikolo bezivulwa abantu bebezothungisa impahla zesikolo kodwa ngicine ngingasenelisi ukuqeda abangicele ukuthi ngibathungele khona ngoba amagesti ayahamba ekuseni aze abuye ntambama ngitshone nginga sebenzanga. Ofuna ngimenzele akufunayo angeke abebekezele, uyadlulela phambili. Mina njengami ngilahlekelwe yimali khathesi izikolo zivulwa ngapha amagetsi uyabe uwathengile nge cash power baphinde bawathathe futhi, okwe Zimbabwe asisakwazi thina.”

UNkosikazi Lungile Sibanda isakhamuzi sako Bulawayo ugcizelele esithi ukuhamba kukagetsi sokubulala impahla yendlini.

Amabhizimusi izibhedlela kanye lamakampani asebenzisa amandla kagetsi amanengi athi lokhu kulakho ukubangela ukuwa ngamandla kwesimo somnotho welizwe wona ovele ungamanga kahle.

Kasenelisanga ukuxoxa ngodaba lolu leziphathamandla zenkampani yeZESA.

Facebook Forum

XS
SM
MD
LG