amalinks wokungena

Breaking News

Umthethwandaba Uvumela uJacob Ngarivhume loHopewell Chin'ono Ukuthi Bahlawule Isibambiso seBail


Jacob Ngarivhume (Transform Zimbabwe)
Jacob Ngarivhume (Transform Zimbabwe)

UMnu. Jacob Ngarivhume, umkhokheli webandla leTransform Zimbabwe obevalelwe entilongweni okwedlula inyanga esetheswa icala lokutshotshozela ubudlwangudlwangu elizweni, usevunyelwe ukuthi ahlawule isibambiso sebail samadola azinkulungwane ezingamatshumi amahlanu - $50,000.

Umahluli wedale leHigh Court, uJustice Siyabona Musithu uthe uNgarivhume akumelanga angene enkundleni yokuxhumana eyeTwitter icala lakhe lize lithoniswe, kumele anike umthethwandaba ipasipoti yakhe njalo ahambe emapholiseni kathathu ngeviki.

UNgarivhume lentathelizindaba ezimeleyo, uHopewell Chin’ono, kuthiwa bakhuthaza abantu ukuthi batshengisele emigwaqweni mhlaka 31 Ntulikazi bekhonona ngobukhohlakali lokuguguqeka komnotho.

Ababili laba besebecele kathathu baliswa ukuhlawula isibambiso sebail. UChin’ono, okubikwa ukuthi uyagula eChikurubi Maximum Prison, laye unikwe ithuba lokuhlawula ibail efika inkulungwane ezilitshumi zamadola eZimbabwe.

Uhulumende uthi uNgarivhume loChin’ono babefuna abantu basuse uMongameli Emmerson Mnangagwa lebandla lakhe embusweni okungekho emthethweni.

XS
SM
MD
LG