amalinks wokungena

Breaking News

Bemukela Ngenjabulo Ukuhlolisiswa Kwesicoco sePhD Sika Grace Mugabe


UNkosikazi Grace Mugabe

Inhlanganiso yezifundi zemakolitshini eye Zimbabwe National Students Union (ZINASU) ithi iyamukela ngenjabulo umcabango weZimbabwe Anti-Corruption Commission (ZACC) wokuhlolisisa isicoco sePhD sowayengumka mongameli, uNkosikazi Grace Mugabe.

Unombala jikelele weZINASU, uMnu. Alistar Pfunye, uthe okwenziwa nguNkosikazi Mugabe kufana lokuhleka abantu abasebenza gadalala bezama ukufunda nzima ukwenzela kuthola leso sicoco.

Umkhokheli weZINASU okwamanje, uMnu. Archibald Madida, laye uthi okwenziwa nguNkosikazi Mugabe kwabayinhlekisa hatshi eZimbabwe kuphela kodwa lasemhlabeni wonke jikelele ngakho-ke kumele ngempela kuhluzisiswe.

Uphinde wathi bayemukela ngenjabulo lokho okwenziwa ngabe ZACC kodwa into eqakathekileyo khathesi yikuyekethisela izifundi inhlawulo nxa zikusebenza zilokhe zisekolitshini lokhu okubizwa ngokuthi yi-attachment.

Ekhuluma leStudio 7 emele abenhlanganiso elwela amalungelo kazulu eye Tajamuka/Sesijikile, uMnu. Ostallos Siziba, oyisifundi eUniversity of Zimbabwe, uthe kuyathokozisa ukuthi iZACC isize yabona kuyinto eqakathekileyo ukuthi bahlolisise iqiniso ngemfundo kaNkosikazi Mugabe eye PhD.

Ngesikhathi engumkhokheli wenhlanganiso yezifundi zeUZ, uMnu. Siziba wahambisa uNkosikazi Mugabe emthethwandaba ngesicoco lesi okuthiwa wasithola ngendlela engaqondanga.

Omunye njalo owayeyisifundi se UZ, uMnu. Pride Mkono, uthe kuyinto enhle ukuthi uNkosikazi Mugabe athathelwe isicoco lesi ngoba engasisebenzelanga.

Imizamo yokukhulumisana lomkhulu wokwenziwa kwemisebenzi yokuthonisiswa kwabantu ku ZACC, uMnu Goodson Nguni, yehlulekile.

Ababalisi be U.Z balile ukukhuluma ngaloludaba besesabela imisebenzi yabo.

UNkosikazi Mugabe wathola isicoco sePHD ezifundweni abikwa ukuthi wazenza ekolitshini leU.Z ngomnyaka ke2014 okwavusa umsindo inengi libuza ngokuya kwakhe kulelikolitshi.

Ngeviki eliphelileyo amanye amaphephandaba ethule udaba lokuthi abababalisi abedlula amatshumi amane – 43 - babhale ugwalo olujulileyo betshinga ngesicoco sika Nkosikazi Mugabe besithi abakwazi lokuthi kwavela ngaphi njalo uVice Chancellor wale ikolitshi uProfessor Levi Nyagura laye kumele abuzisiswe ngalokhu.

Bajabulela Ukuhlolisiswa Kwesicoco seU.Z Esanikwa uGrace Mugabe
please wait

No media source currently available

0:00 0:03:45 0:00

Facebook Forum

XS
SM
MD
LG