amalinks wokungena

Breaking News

IZIMSEC Yethula Impumela Yemihloliso kaGrade 7


Uhlangothi olubona ngezemihloliso olweZimbabwe Schools Examination Council (ZIMSEC) solwethule impumela yemihloliso kaGrade 7 elotshwe nyakenye.

IZIMSEC yazise ukuba abaphathizikolo balakho ukuqala ukuya thatha impumela yemihloliso le emahofisini abo ngo Mvulo weviki ezayo.

Isikhulumeli se ZIMSEC, uNkosikazi Nick Dlamin, uthi kumele abakhangelane lezemihloliso kumele bethathe amaphepha alempumelo yemihloliso kusukela ngoMvulo.

Uqhubeke esithi umkhuhlane weCovid-19 uphazamise ukwethulwa kwale impumela yemihloliso ngesikhathi ngoba ivame ukuthi kusungulwa umnyaka iyabi isikhona.

“Kuqakathekile ukuthi sikhumbuzane ngempazamisa eyaba khona ekulotshweni kwamalungiselelo ngenxa yo mkhuhlane we Covid-19. Sile themba ukuba wonke umuntu uzakwamukela lokhu.”

Omunye umzali, uMnu Gift Bute olomntwana olobe imihloliso, uthi ulethemba ukuba umntwana wakhe wenze kahle.

IZIMSEC yazise ukuba labo abafuna ukubona impumela yale imihloliso ngokuphangisa balakho ukwenza njalo ngokukhangela ekhasini labo lebulenjini be internet ku www.zimsec.co.zw.

IZIMSEC ithi abantwana abafika inkulungwane ezingamakhulu amathathu 325,573 balobe imhloliso yanyakenye okulinani eliphansi kulalabo abazaloba lonyaka ka 2022.

Abantwana abaphumeleleyo babikwa beyisilinganiso sokungamatshumi amane lanye ekhulwini 41,3% ukulinani elikhuphukile ngesilinganiso sokune ekhulwini- 4% nxa kuqathaniswa labaloba ngomnyaka ka2020.

Impumela yemihloliso kaGrade 7 ngaphimbilini kokuqhamuka kobhubhane lweCovid 19 yayivame ukuba khona kngakayiwa kukhefu leKhisimusi, abantwana benikwa isikhathi sokudinga indawo kaForm 1 belungiselela ukuvulwa kwezikolo ngomnyaka olandelayo. Kodwa lonyaka izikolo zize zavulwa ingakabi khona, osokusitsho ukubana abakaform 1 akabaseyi kuvula kanye kanye labanye ngoMvulo.

Facebook Forum

XS
SM
MD
LG