Ugatsha lukahulumende olubona ngezamanani olweZimStats luthi umndeni olabantu abahlanu usudinga imali engange$17,244 ukuze wenelise ukuhlawulela indleko zawo zonke ngenyanga.
Imali le igoqela eyokubhadalele abantwana esikolo, ukuthenga ukudla lezinye indingeko zempilo.
Kumbiko ewethule izolo, iZimStats ithe imali le ikhwele yafika kulelozinga ngenyanga esanda kwedlula isuka ku$15,573 ngoNtulikazi.
Ithi njalo umuntu oyedwa yena udinga i$3,449 ukuze ephile kuhle ngenyanga.
Kodwa inhlanganiso emela izisebenzi, iZCTU iyakulandila lokhu isithi imali eqondileyo efunwa yimuli ngenyanga yi$49,000.
Ngokunjalo, unobhala jikelele walinhlanganiso uMnu Japhet Moyo utshele iStudio 7 ukuthi abaqhatshi kumele bengeze iholo lezisebenzi zabo.
Ohlaziya ezenotho uMnu Reggie Shoko yena uthe ngokubona kwakhe, lanxa imali edingwa yimuli isedlula ekhulunywa yiZimStats, le ekhulunywa yiZCTU iphezulu kakhulu.
Facebook Forum