amalinks wokungena

Breaking News

ZIMTA: Ababalisi Bazakhalala Umsebenzi Ngokufundisa Okwensuku Ezintathu Kuphela Ngeviki


Zimbabwe Teachers Association

Inhlanganiso yababalisi iZimta ithi amalunga ayo azakhalala umsebenzi ngokufundisa okwensuku ezintathu kuphela kusukela ngoLwesibili ngeviki ezayo ekhala ngeholo eliphansi.

I-Zimta ithethe lelinyathelo kulandela ukwehluleka kukahulumende ukwengezelela izisebenzi zakhe iholo kunkulumo eziqhutshwe izolo.

Inhlanganiso isixwayisa amalunga ayo ukuthi kuzamele afundise ngoMvulo, ngoLwesibili langoLwesithathu kuphela andubana uhulumende awengezelele iholo.

Kunkulumo zayizolo, uhulumende uthe uyenelisa kuphela ukwengezelela izisebenzi iholo ukuze othola imali ephansi ahole iUS$199 kusukela linyanga kuthi ngoNtulikazi ayengeze iye kuUS$243.

Kodwa izisebenzi zithi zifuna ukuholiswa imali ephezu kweUS$500. Ababalisi abangamalunga ezinye inhlanganiso lawo abikwa ezathatha amanyathelo afanayo.

Isiphathamandla seZimta uMnu Sifiso Ndlovu utshele iStudio 7 ukuthi bathethe inyathelo lokukhalala umsebenzi ngoba okuyimali abakuholayo akubenelisi lutho.

please wait

No media source currently available

0:00 0:02:10 0:00

Facebook Forum

XS
SM
MD
LG