amalinks wokungena

Breaking News

ZINASU: Kakhululwe uTakudzwa Ngadziore Ukuze Alungiselele Ukuloba Imihloliso


Umkhokheli wenhlanganiso yabafundi bemakolitshini, eyeZINASU, uTakudzwa Ngadziore

Abafundi bemakolitshini lamaUniversity benhlanganis yeZimbabwe National Students Union (ZINASU) sebekhweze isicelo kugatsha lwezemithetho koBulawayo sokuthi omunye wabo okhokhela linhlanganiso, uTakudzwa Ngadziore obotshwe wavalelwa ngenyanga edluleyo, akhululwe ukuze enelise ukulungiselela ukubhala imihloliso.

AbeZINASU bethule incwadi yabo yesicelo lesi emahofisini ogatsha lokwahlulelwa kwamacala eTredgold koBulawayo ngoLwesine emini.

UNgadziore ubotshwe ngenyanga edluleyo kaMpandula ngenxa yokutshengisela okwenziwe phambi kwamahofisi enkampani yezimotha eyeMpala Car Rental yena labanye befuna ukuthi inkampani le, iveze ukuthi ngobani abahlawulela imota eyasethsenziswe ukuthumba elinye lamalunga eZinasu, uTawanda Muchehiwa.

Umnunzana Jingani Shoko unobhala weZINASU uthi abathabanga ngendlela okuphathwa ngayo icala likaNgadziore.

“Sibelethuba lokuhambisa incwadi ku minister of justice and legal parliametial affairs, besiyihambisa sisiyatshela uminister ukuthi we are not happy ngendlela ama courts a handler ngayo indaba ka Ngadziore usele amathathu ekuremand. Sibona ukuthi umantshi utshele ilawyer likaNgadziore ukuthi they cannot give I judgement bazafonela ilawyer lakhe. As a Union we are saying Minister should intervein in this case or else thina as a Union asisoze sikwanise ukuthi sithule asifuni ukuthi sitholakale sisilwa impi government kodwa silwela amastudents.”

Umnunzana Bernon Ncube ongumgcinisilahlalo weZINASU esabelweni se Midlands uthi umongameli wakhe ulamalungelo okuthi abuze nxa kulento angayizwisisiyo.

“lnkinga esilayo lapha yikuthi indaba leyi kuqala wahamba wayabuza ukuthi kanti kungani kungakenziwa lutho ngendaba kaMucheiwa. Ulemvumo yokwenza lokhu ngoba yena unguPresident wama student, uMucheiwa yiStudent so nxa ebuza kusemalungelweni akhe the reason why ebuza yikuthi indaba yakhona yayingela muntu oyihambelayo. Into esingayizwisisiyo yikuthi phezu kokubuza yena nguye obotshwayo, lapho thina asisazwisisi ukuthi abantu okumele basimele basilinde basimele nxa kuyibo ababakhona sesithwala nzima kumele kubesobala nxa sesizimela sizilungisele izinto esiqondana lazo. Kumele izinto ezinjalo zihlale zibekwe sobala ukuthi lilizwe selitshintshile, lathi amastudents sesizazibonela ukuthi since u President wethu ebotshiwe senza njani ukuthi simkhiphe lapha akhona okusimisayo yibuntu.”

Umnunzana Ngonidzashe Nkomo ofunda eLupane State University uthi bafisa ukuthi bathole ukulungisiswa njengabantwana ngoba belekusasa labo.

“Ngemva kokukubana sithumele I petition yikubana Sithole ijustice kummkhokheli wethu weZimbabwe National Student Union njengoba sikwazi ukuthi ngaphandle kokuba nguPresident weStudent Union laye ungumtwana wesikolo. Njengoba sibona izikolo emalangeni zivuliwe right now amanye ama institution for up to 2 or 3 weeks bavulile laye ngumtwana wesikolo kumele abesesikolo, laye uminister lapha akhona ngithemba ungubaba ulabantwana besikolo basesikolo. Silesifiso njengabantwana ukuthi labo bakuthathe njalo, sikhangelele ijustice ukuthi into enje ingaphindi iyenzakale.”

Inengi labasakhulayo baseZimbabwe bathi bazimisele ukuthi balwele amalungelo abo ngoba kufanele baphutshe izifundo zabo ngakhoke uNgadziore kumele aphiwe ithuba lokuthi alungiselele imihloliso njalo ayibhale.

Iqgwetha ebiliphelekezele amalunga e ZINASU lenqabe ukukhuluma lentathelizindaba. Imizamo yokukhulumisana labogatsha lokwahlulela kuhulumende yehlule. Umphathintambo obona ngokwahlulelwa kwamacala uMnumzana Ziyambi Ziyambi ubengaphenduli ucingo lwakhe kodwa udaba lukaNgadzore belusemthethwandaba ngolwesibili lwayonale iviki lapho umahluleli wedale leHigh Court uJustice Davison Foroma athe usakame ukwethula isinquno sokuvumela loba ukungavumeli uNgadziore ukuhlawulela isibambiso seBail. UJustice Foroma uthe njalo amalunga aphatheke kudaba lolo azakwaziswa ngesinqumo sedale leli nxa sebeqedile ukulukhangelisisa.

Facebook Forum

XS
SM
MD
LG