amalinks wokungena

Breaking News

ZIPRA: Alitsho Lutho Ilanga Lokunanza Amaqhawe eleHeroes Day


ZIPRA WAR VETS.

Abalwa impi yokukhulula i-Zimbabwe, abangamaqhawe lamaqhawekazi abemhlubulweni weMaNdebeleni, baveza imibono yawo ngelanga lokubananza eleHeroes Day.

Inengi labalwa impi yenkululeko bekuviyo lebutho eleZIPRA bathi osokusenzakala elizweni kusukela bethatha ilizwe kwabamhlophe, kunxele njalo kulihlazo.

EleZimbabwe lathola inkululeko embusweni wabamhlophe ababencindezela abensundu, ngomnyaka ka1980 ngemva kwempi eyakhokhelwa ngamabutho awebandla leZAPU, aweZIPRA leleZaNU, eleZANLA kodwa abeZAPU bathi lokhe ilizwe balithatha kwabamhlophe umbuso okhona ubaphethe ngocuku njalo sekulihlazo abakuyela empini.

Umgcinisihlalo weZPRA Veterans, uMnu Ben Ncube uthi osokusenzakala elizweni ayisikho abakuyela empini.

“Ukuhlukumezwa kwabesifazana labantwana ezweni akusintando yabalwela inkululeko kungakhathalekile ukuba ukhuluma limi bani kumbe ulombala onjani. Sikubonile kunkundla ezehlukeneyo zokuzilibazisa amapholisa etshaye abesifazana abeCowdray Park kwaze kwayiwa edale, ayisikho esakuyela empini lokho ngoba kutsho ukuthi lokhe abantu bengakhululekanga ezweni njalo ezomnotho azimanga kahle kuye wonke umuntu.”

Omunye wabalwa impi yenkululeko uMnu Ben Moyo uvumelane loNcube ethi abalwelanga ukuhlukunyezwa kwabantu, inkohlakalo lobubi bonke obenzakala elizweni okwamanje.

“Ilanga lamaqhawe lisikhumbuza izinto eziqakathekileyo ukuba abantu abalwelanga ukudlwengulwa, ukuya ezibhedlela ezingela mithi labongi. Sasilwela ukuba sithole inhlalakahle hatshi icorruption okunotha abambalwa abanye besidla inqweqe zomnotho saya empini sisiyakhulula isizwe hatshi ubutshapha esibubona lamhlanje.”

UNkosikazi Toriso Phiri ngomunye wamaqhawekazi owaya empini. Yenake uthi ilanga lalamuhla liqakathekile libakhumbuza abanye babo abasala egangeni kuthi izihlobo zabo lokhe zingazi ukuthi bakuphi.

“Ilanga lalamuhla aliphathwa kahle kulenkethabesthabi kumsakazo weZBC, thina esalwa impi sikuZIPRA asihlonitshwa. Ilanga lalamuhla liqakathekile ngoba lisikhumbuza abanye bethu esabatshiya egangeni kuthi izihlobo labazali babo abanye sebeze bafa bengazi ukuthi izhlobo zabao zasala egangeni.”

Abalwa impi bekuviyo leZPRA bonke bakhuluma ngazwi linye bethi bayabandlululwa kukho konke okwenzakala ezweni njalo uhulumende wakuqala lalo okhona manje kabahloniphi kucina kudala ukuba ilanga lalamhlanje liphele isisindo njalo lokuphuma kumabonakude lemsakazweni kungamanga okunye kuyababandlulula.

Ekhuluma lamhlanje kumabonakude ngesikhathi kunanzwa ilanga lamaqhawe, uMongameli Emmerson Mnangagwa ukhuthaze abantu ukuba babambane njalo uhulumdende uphakathi kokuqala ukwaka izithombe zalabo abaphatheka empini yendulo leyokuthatha ilizwe, ukubhala imbali yokukhulula ilizwe Kanye lokupha amabizo kuzakhiwo lemigwaqo ngemizamo yokunanza ilanga lamaqhawe.

Facebook Forum

XS
SM
MD
LG