amalinks wokungena

Breaking News

Ziqalile Izivivinyo Zabahluli beConstitutinal Court uBhunu Ethwaliswe Nzima loGarwe Laye Ebona Ntuthu


Opening of Legal Year 2019 - Chief Justice Luke Malaba

Ukuvivinywa emphakathini kwalabo abafuna ukuba ngabahluleli benkantolo ethetha indaba eziphathelane lesisekelo sombuso welizwe, iConstitutional Court, kuqalile ngoMvulo eHarare abanye babo besehluleka ukuphendula imibuzo.

Umahluli omkhulu uJustice Luke Malaba labeJudicial Services Commission yibo ekade bebuza imibuzo.

Oqale ukubuzisiswa ngumahluleli weSupreme Court uJustice Chinembiri Bhunu yena othwaliswe nzima nguMalaba phezu kwamacala awatshiya eHigh Court aseleminyaka elitshumi lanhlanu engakehlulelwa.

Kodwa abanye basole uMalaba besithi indlela abebuza ngayo uMnu Bhunu ibingelanhlonipho njalo ibilokweyisa phakathi.

UBhunu ulandelwe nguJustice Paddington Garwe yena obezikhulumela ukuthi imibuzo eminengi iyamphica.

UJustice Anne Mary Gowora ube ngowesithathu ukubuzisiswa njalo abanye bathi ubekhanya ekwazi akukhulumayo.

Abadinga ukuba ngabahluli beSupreme Court laba bayisitshiyangalombili lanxa nje kulezikhundla ezinhlanu kuphela.

Ingcwethi kwezombusazwe uMnu Effie Dlela Ncube utshele iStudio 7 ukuthi ukuvivinywa kwabadinga ukuba ngabahluli emphakathini lokhu yinto eqakathekileyo ukuze abantu bazibonele ukuhlakanipha kumbe ukwehluleka kwalabo abadinga umsebenzi.

Kodwa uthe kulusizi ukuthi uhulumende uzama ukwesula izivivinyo lezi ngokuguqula isisekelo sombuso welizwe.

please wait

No media source currently available

0:00 0:01:58 0:00

Facebook Forum

XS
SM
MD
LG