amalinks wokungena

Breaking News

Zivaliwe Izikolo Lamahofisi Esigodlweni seMelika Ngenxa Yongqwaqwane


Snow in Washington D.C. - Jan 3.2022/ U.S. Capitol
Snow in Washington D.C. - Jan 3.2022/ U.S. Capitol

Ukukhithika kongqwaqwane olunengi esigodlweni seMelika, iWashington D.C., ngoMvulo kubangele ukuvalwa kwamahofisi kahulumende, amanye amankampani kanye lezikolo.

I-helicopter kaMongameli Joe Biden layo yehluleke ukuphapha imsusa eAndrews Air Force Base evela emzini wakhe eDelaware wacina ehamba ngemota esiya esigodlweni sakhe, eWhite House, kubike iAP.

Iqhwa leli likhithike lagcwala phansi okwakuqala lonyaka esigodlweni lasesiqintini ezingcelelane laso ezibalisa, eMaryland laseVirginia.

Libikwa libangene njalo ingozi zomgwaqo ezinengi ngoba bekutshelela kanti lezinye indawo zibikwa zisele zingelamandla kagetsi.

Ezinye ingwendo zendizamtshina lazo zibikwa zesuliwe.

Isizalwane seZimbabwe esihlala eWashington D.C., uNkosazana Sikhululekile Bhoboza Sibanda, utshele iStudio 7 ukuthi ungomunye wabantu abehluleke ukuya emsebenzini ngenxa yalolu ngqwaqwane.

please wait

No media source currently available

0:00 0:02:30 0:00

XS
SM
MD
LG