amalinks wokungena

Breaking News

Ziyavulwa Izikolo Abazali Babantwana Bekhala Ngemali


Kuyenzakala ukuthi abantwana abangabhadalanga imali yemfundo baxotshwe.
Ziyavulwa izikolo ngoLwesibili ngesikhathi abazali abanengi eZimbabwe besithi abenelisi kuhambisa abantwana esikolo ngenxa yokuswelakala kwemali.

Abazali abanengi bathi lokhu kwenziwa yikuthi amankampani amanengi abhidlika ikakhulu koBulawayo.

Ngakho-ke inengi labo lithi kalila eyinye indlela yokudingela abantwana imali yokuhlawulela imfundo.

Okwamanje abantwana abafunda ezikolo eziphezulu lapho abahlala khona babhadala amakhulu amahlanu amadollar eMelika - $500 kuthi-ke labo abafunda besuka ngekhaya bakhokha ikhulu lamadollar - $100 ngethemu elilodwa. Labo abafunda ezikolo eziphansi babhadala amatshumi amahlanu amadollar eMelika – $50.

Kusenjalo, abanye abazali bakhala njalo ngokuthi abantwababo sebekhitshiwe kuhlelo lwabampofu iBasic Education Assistance Module - iBEAM.

Umnu. James Sithole uKhansila weMakokoba uthi kulabantwana abedlula amakhulu amathathu lamatshumi ayisithupha – 369 abacela uncedo lweBEAM kodwa kuncedwa abaphansi kwamatshumi ayisithupha – 59 kusukela ngoLwesibili.
XS
SM
MD
LG