amalinks wokungena

Breaking News

UMongameli Kagame Wakwele Rwanda Ufuna Ukuqhatsha Ababalisi Bakwele Zimbabwe


UMongameli Paul Kagame wakwele Rwanda

UMongameli Paul Kagame wakwele Rwanda uthi ufuna ukuqhatsha ababalisi abaqeqetshe ezifundweni ezitshiyeneyo abadabuka eZimbabwe.

UKagame wethule lokhu eKigali ngoLwesithathu kusihlwa emhlanganweni weRwanda Zimbabwe Trade and Investment Conference, ogqitshwe izolo. Emhlanganweni lo, bekulabaqondisi bamankampani, iziphathamandla zikahulumende wakhe lezakwele Zimbabwe labanye.

Umabonakude weRwanda Television uthaphe amazwi kaKagame esithi uyafisa kakhulu ukuqhatsha ababalisi abakhaliphileyo abadabuka eZimbabwe. Uthe iziphathamandla zakwele Zimbabwe kumele zidinge inani lababalisi abalenelisayo.

Kulandela umbiko lo, abantu abanengi bangene enkundleni zokuxhumana babukela uKagame ekhuluma ngodaba lolu.

Abanye sebedinga ukuba bengasebenza njani kulelolizwe. Kasenelisanga ukukhuluma ngodaba lolu leziphathamandla zikahulumende wakwele Zimbabwe.

Ababalisi abanengi sebabaleka elizweni leli bayadinga imisebenzi kwamanye amazwe ngenxa yeholo eliphansi.

Okwamanje kulabanye abasanda kutshengisela bekhonona ngokungakhuphulwa kweholo labo. UMnu. Sifiso Ndlovu, umqondisi wenhlanganiso yeZIMTA, uthi bayakwamukela okukhulunywe nguKagame.

Ababalisi Bamukela Ngenjabulo Okwethulwe NguMongameli Kagame
please wait

No media source currently available

0:00 0:01:50 0:00


Facebook Forum

XS
SM
MD
LG