Amapholisa awe Zimbabwe Republic Police asebophe uMfundisi Evan Mawarire emethesa umlandu wokutshotshozela udlakela kulandela ukutshengisela kwabantu ngeviki edluleyo elizweni lonke besithi sebekhathele ngokwenzakala elizweni.
Igqwetha lika Mawarire umnumzana Harrison Nkomo olilunga lenhlanganiso yamagwetha alondoloza ilungelo loluntu eye Zimbabwe Lawyers for Human Rights utshele i-Studio 7 ukuti amapholisa aye emzini kaMawarire eAvondale lasenkonzweni ayikhokhelayo emzini weMilton Park, “Amapholisa la, athi adinga okwathathelwa amapholisa ngeviki edluleyo ingwani lebaton.”
Abazi okwenzakalayo bathi uMawarire sikhulumanje usemapholiseni ebuzisiswa enkambeni eye Harare Central Police Station njalo ukhangelelwe ukumiswa phambi komthethwandaba ngoLwesithathu. Ubikwa ehambe wayazinikela emapholiseni ekhatshwe ligqwetha lakhe ngabo 9 ekuseni.
UMawarire ukhuthaza ukuthi ukutshengisela kokungayi emsebenzini okwe shutdown kuqhubeke ngoLwesithathu langoLwesine liviki ukutshengisa uhulumende ukuthi uzulu usekhathele ngesimo esikhona elizweni, ucuku lwamapholisa kanye lesombusazwe. Uhulumende weZimbabwe wethesa ohulumende bamazwe angentshonalanga anjenge Melika, France lamanye umlandu wokusekela umvukela kodwa amazwe la ayakulandula.
Okunengi kuyalandela ngalolu daba................