Ibandla leMDC-T lithi likhathazekile ngokwala kukahulumende ukuguqula imithetho ephathelane lokhetho kanye lokuveza ukuthi iphepha lokuvotela lizadindwa ngubani njalo ngaphi.
Lithi uhulumende weZanu PF kumele akuveze lokhu nxa engajonganga ukudlelezela kukhetho.
Kodwa ibandla leZanu PF lona lithi lalo kalikwazi ukuthi iphepha leli lizavela ngaphi ngoba umsebenzi lo usezandleni zekomishini yezokhetho, iZEC.
NgoLwesithathu umthethwandaba weHigh Court wethule isinqumo esiqakathekileyo esokuthi kulicala ukuthi izinduna kumbe inkokheli yosiko nje jikelele ingenele kwezombusazwe.
Lesi yisinqumo esamukelwe yisikhulumeli seMDC-T ekhokhelwa nguMnu Nelson Chamisa uNkosazana Thabitha Khumalo kanye lelunga leZanu PF uMnu Joseph Tshuma kungxoxo abayenze leStudio 7.
Your browser doesn’t support HTML5
Ingxoxo loNkosazana Thabitha Khumalo loMnu Joseph Tshuma