UMnu Robert Mugabe ukhangelelwe ukumiswa phambi kwedale lephalamende namuhla esipha ubufakazi phezu kokunyamalala kwamadayimana eMarange angena kumabhiliyoni alitshumi lanhlanu, $15 billion.
UMugabe unqolongwe yikomidi yephalamende ekhangelane lemisebenzi yokwemba amatshe aligugu.
UMugabe uveze ubuhuquluzi lobu engakahluthunelwa intambo zombuso libutho ngoLwezi nyakenye.
Khepha isimanga yikuthi akekho ngitsho loyedwa owabotshwayo phezu kokunyamalala kwemali yonke engaka.
Umgcinisihlalo wekomidi yedale ebize uMugabe, uMnu Themba Mliswa, ufakazele umsakazo weStudio 7 ngokuza kukaMugabe ephalamende.
“Yebo simbizile uMugabe ukuthi azechasisa kuhle ngendaba yamadayimana le kusasa (NgoLwesithathu). Ngakho sizaba simelele,” kutsho uMnu Mlisswa.
Kodwa ingcwethi ecubungula ezombusazwe uMnu Effie Dlela Ncube uthi akaboni kulolutho olutsha uMugabe azalukhuluma oluzasombulula insumansumane le.
Your browser doesn’t support HTML5
Ingxoxo loMnu Effie Dlela Ncube