WASHINGTON DC —
Umeli weMatabeleland South kudale leSenate uNkosikazi Sithembile Mlotshwa kasekho.
UMaMlotshwa ubhubhele esibhedlela seUnited Bulawayo Hospitals ngoLwesihlanu ngemva kokugula okwesikhathi eside.
Akwazakali ukuthi udliwe yisifo bani. Umufi ubelilunga leMDC-T ekhokhelwa nguMnu Nelson Chamisa.
Wayelilunga leZapu kudala kungakasungulwa ibandla leMDC ngomnyaka ka1999.
UMaMlotshwa ubedume kakhulu ngokulwela amalungelo abesifazana, abantu abahlala emaphandleni kanye labaphila legciwane leHIV.
Isikhulumeli seMDC-T uNkosazana Thabitha Khumalo utshele iStudio 7 ukuthi badabukile njengebandla njalo bakhala kanye lomndeni kaMaMlotshwa.
Your browser doesn’t support HTML5
Ingxoxo loNkosazana Thabitha Khumalo