WASHINGTON DC —
Ibandla leMDC-T elikhokhelwa nguNkosazana Thokozani Khupe ngoLwesihlanu lenze umhlangano lamalunga alo azancintisa kukhetho liwahlomisa ngemicijo emqoka okumele akhulume ngayo emikhankasweni yawo.
Umhlangano lo ukhokhelwe nguMaKhupe yena otshele abazancintisa laba ukuthi kumele batshumayele ivangeli lombuso wezabelo, idevolution, ngoba kuyiyo indikimba yabo kulolukhetho.
Isimanga yikuthi ibandla leZanu PF, lona ebelingafuni ukuzwa ngendaba le, lalo selisithi lizavumela idevolution linganqoba kukhetho.
Kodwa umgcinisihlalo weMDC-T kaMaKhupe njalo engumeli weNkayi South edale lephalamende uMnu Abednico Bhebhe utshele iStudio 7 ukuthi iZanu PF isizama ukubamba abantu emehlweni.
Your browser doesn’t support HTML5
Ingxoxo loMnu Abednico Bhebhe