Kuhlelo lweWoza Friday kuliviki sihamba lomhlabeleli wengoma zokholo uFidas Sibanda ephethe idlalade lakhe elitsha elilesihloko esithi ‘Limgcobeleni?’
USibanda yinsizwa edabuka ePlumtree emangweni weEmpandeni kodwa njengamakhulu abahlabeleli beZimbabwe, ucula ekweleSouth Africa.
Uhlabela leqembu lakhe leOfakazi Gospel Group.
Idlalade lakhe leli lilengoma ezilitshumi lambili ezigoqela ethi ‘Abamkhaphelayo,’ ‘Amaxoxo,’ ‘Mangingene,’ ‘Isixuku,’ ‘Lowo Nalowo lezinye.’
Uvela kude mpela umhlabelelei nanku phela uqale ukucula ekwayeni esafunda ePrimary wadlondlobala kwaze kwaba namuhla.
“Ekuqaleni bengidlala ama-drama ngibuye ngicule imbube; kanti lasekhaya nje kwakuyinto esasiphila ngayo,” kutsho uSibanda ekhuluma leStudio 7.
Ucele uzulu ukuthi athenge amadlalade akhe oqobo hatshi awokuzibazela athengiswa yizigilamkhuba eziphila ngezithukuthuku zamanye amadoda.
Your browser doesn’t support HTML5
Udaba Siluphiwa nguNtungamili Nkomo