Umkhokheli weMDC Alliance uMnu Nelson Chamisa ugqibe imihlangano yakhe yokukhankasela ukhetho ngokuthembisa uzulu impilakahle engcono alubana ethe wanqoba.
Ekhuluma emhlanganweni awenzele egcekeni leFreedom Square eHarare ngoMgqibelo, uChamisa ukhuthaze uzulu ukuthi amvotele ngobunengi kanye lamalunga omanyano wakhe.
Uthe engangena embusweni uzaphuthuma alungisisa udaba lokusilela kwemisebenzi lemali emabhanga.
Ubuyanga bonke buzaphela uzulu weZimbabwe ehlale kuhle, kuthembise uChamisa.
“Izisebenzi zikahulumende zizabhadalwa iholo elikhuphukileyo elenelisa ukuphilisa izimuli nxa sokubusa umanyano weMDC Alliance,” kutso uChamisa.
“Ngokunjalo, ngiyalixwayisa njalo ngiyalicele lonke ukuthi liphume ngobunengi benu ngoMvulo liyengivotela ngibe nguMongameli; amakhansila lamalunda edale lephalamende lifake aweMDC Alliance.”
Your browser doesn’t support HTML5
Amazwi kaMnu Nelson Chamisa
Isiphathamandla seMDC Alliance uMnu Welshman Ncube laye utshele izakhamizi zeNkayi South ngoMgqibelo ukuthi inhlalakale yazo izathuthuka kungabusa uChamisa lmanyano wakhe.
Your browser doesn’t support HTML5
Ingxoxo loMnu Welshman Ncube