UMongameli Emmerson Mnangagwa uzaphatheka emhlanganweni wokuqinisa ubudlelwano kwezamabhizimusi phakathi kweleChina lamazwe aseAfrica namuhla.
UMnangagwa ufike eChina izolo ehamba losibalukhulu weReserve Bank of Zimbabwe (RBZ) uMnu John Mangudya lezinye izicukuthwane zikahulumende.
Uhambo lwakhe lolu luza ngesikhathi ilizwe libhekane lobunzima obukhulu kwezenotho.
Ngokunjalo, ingcwethi kwezenotho zithi kumele adinge indlela zokuwulungisisa ngokuphangisa.
Umhlangano lo uzangenwa zinkokheli zamazwe eAfrica atshiyeneyo.
EleZimbabwe selike lalobelana izivumelwano ezinengi leleChina kwezamabhizimusi kodwa izithelo zalezo zivumelwano kazicaci kuhle.
Ingcwethi kwezombusazwe uMnu Effie Dlela Ncube utshele iStudio 7 ukuthi okumqoka uMnangagwa amele aphume lakho emhlanganweni lo luncedo olungahlenga umnotho weZimbabwe.
Your browser doesn’t support HTML5
Ingxoxo loMnu Effie Dlela Ncube