Izisebenzi zakoHaddon & Sly ezingamatshumi ayisithupha zitshengisele koBulawayo ngeSonto zisola isitolo lesi ngokuvala singazibhadalanga iholo lazo.
Izisebenzi lezi zithi zikweledwa iholo lenyanga phose ezimbili yilinkampani.
Zithi njalo okuzicunulayo kakhulu yikuthi iziphathamandla zizama ukuvala isitolo lesi ngudlu zingaziphumeli egcekeni.
“Bavala ishop yabo beqamba amanga besithi bazama ukwenza ama-renovations befake iminyango. Kodwa siyakwazi ukuthi bayavala,” kutsho isisebenzi uNkosazana Matani Ncube.
Your browser doesn’t support HTML5
Ingxoxo loMnu Matani Ncube
Abebandla leMthwakazi Republic Party bacelwe yizisebenzi lezi ukuthi bangenele kuloludaba njalo baphathekile ekutshengiseleni kwangeSonto.
Isiphathamanda salelibandla uMnu Malwande Nyathi utshele iStudio 7 ukuthi bayayisola kakhulu indlela iziphathamanda zakoHaddon & Sly eziphatha ngayo izisebenzi zayo.
“Ayisijabulisi indlela linkampani ephatha ngayo izisebenzi lezi ngenxa yokuthi ukungasebenzi kwabantu laba kwengezelela ukuhlupheka kwabantwana bakithi koBulawayo,” kutsho uNyathi.
Your browser doesn’t support HTML5
Ingxoxo loMnu Malwande Nyathi
Asenelisanga ukukhuluma leziphathamandla zakoHaddon & Sly.