Ekuqhubekeni kokukhwela kwentengo yempahala ezitolo kubikwa abanye sebethenga ukudla ngobunengi befaka ezindlini.
Kodwa abanye bathi ngokungatholakali lula kwemali bayehluleka ukuthenga impahla ngobunengi. Kodwa ezitolo ezifana labo OK, Spar le Pick N Pay intengo ikhuphuke kancane nje kuphela.
Njengesibonelo isaka letshukela elilesisindo se two kgs belithengwa ngamadola amabili, i$2 kodwa selikhuphuke ngamasenti angamatshumi amathathu laba yi $2, 30. Sixoxe lesakhamuzi sakoBulawayo, uMnu. Albert Mhlanga njalo oyisiphathamandla sebandla leMDC.
“Akulungi lokhu ngoba okumele sikukhangele yikuthi kuyini okupheka isinkwa kuyini? Okwenza siphekwe isinkwa yiwheat amadoda akhona kodwa akulalutho abalwenzayo njalo kuyakhanya ukuthi kulesikhathi eside bengenzilutho,” kutsho uMhlanga.
Uthi iwheat ayikho elizweni njalo kufunakala imali yakwamanye amazwe kodwa layo ayitholakali wengezelela esithi njengoba ilizwe livela ekhethweni imali yasetshenziswa.
Umhlanga uthi okwethusayo yikuthi lemali ayithembileyo, eyama bond notes, ayikho.
Your browser doesn’t support HTML5
Ingxoxo loMnu. Albert Mhlanga